Проведен мониторинг и контроль организации школьного питания

            Кыргыз республикасынын Билим берүү жана илим министрлигинин 2019-жылдын 14-февралындагы №27/2 буйругун аткаруу максатында жана Бишкек шаарынын мэриясынын Билим берүү башкармалыгынын 2019-жылдын 31-январындагы иш-чаралар планын аткаруу менен, февраль айында Бишкек шаарынын  мэриясынын Билим берүү башкармалыгынын тамак-ашты көзөмөлдөө жана мамлекеттик сатып алуулар бөлүмү, Бишкек шаардык Кеңешинин  2015-жылдын 20-майындагы № 129 “Бишкек шаардык жалпы билим берүү уюмдарындагы балдардын тамак-ашын уюштуруу тууралуу” токтомун аткаруу максатында, Бишкек шаарындагы төмөнкү жалпы билим берүү уюмдарында окуучулардын тамак-ашын уюштуруу боюнча мониторинг жана көзөмөлдөө жүргүзүлгөн:

Ленин РБББ — № 8 ОМ, № 7 ОМ,СОШ № 55, № 84 ОМ,№ 77 ОМ, № 79 ОМ, № 95 МГ, № 25 МГ, СОШ № 47; (9)

Биринчи май РБББ – СОШ № 18, СШ- № 81,СОШ 86, ШГ № 24, ШГ № 27, ШГ№70; (6)

Свердлов РБББ — № 33 МГ, № 32 ОМ, № 23 МГ,№ 45 ОМ; (4)

Октябрь РБББ — ГК № 26, № 60 ОМ, 88 ОМ, №62 ОМ, №63 ОМ; (5)

Комиссиянын курамы:

— Мусаева Н.М. – КР ББжИМ башкы адиси

— Абирова Ж.Т. – Бишке шаардык мэриясынын башкы адиси

— Байгулов Н. О.- Бишкек шаарынын мэриясынын Билим берүү башкармалыгынын тамак-ашты уюштурууну көзөмөлдөө жана мамлекеттик сатып алуулар бөлүмүнүн башчысы

— Укуев А.К. – Бишкек шаарынын мэриясынын Билим берүү башкармалыгынын тамак-ашты уюштурууну көзөмөлдөө жана мамлекеттик сатып алуулар бөлүмүнүн жетектөөчү адиси

— Бородина Л. П.- Бишкек шаарынын мэриясынын Билим берүү башкармалыгынын тамак-ашты уюштурууну көзөмөлдөө жана мамлекеттик сатып алуулар бөлүмүнүн адиси;

— Манапова Э. Н.- Бишкек шаардык ата-энелер коомунун өкүлү;

Жалпы билим берүү уюмдарындагы тамак ашты уюштуруунун мониторингинин жана көзөмөлүнүн негизги максаттары болуп төмөнкүлөр эсептелинет:

• Жалпы билим берүү уюмдарынын балдардын тамак-аш ичүүсүн эсепке алуу жана иш жүзүндө сабакка катышуусу тууралуу журналын жүргүзүү боюнча иштерин уюштуруу жана башкаруу
• Тамак-ашты уюштуруу тууралуу ата-энелерди кабарландыруу (буйруктар, протоколдор, актылар, стенддер );
• Тамак-ашты уюштуруу графиги;
• Азыктарды жыйнаштыруу жана сактоо;
• Азык-түлүктөрдүн керектүү ассортиментинин тизмеси;
• Азык-түлүктөрдүн сапаты (тастыктамалар, сапат жана шайкештик декларациясы ж.б.)
• Азык-түлүктөрдү сактоо шарты (атайын бөлмөлөр, кампалар, муздаткычтар ж.б.), санитардык-гигиеналык абалы, товардык жакындаштык, тазалоочу каражаттардын болушу, хлордоо ж.б.
• Балдардын тамак-ашын кабыл алуучу бөлмөлөрдүн абалынын санитардык-гигиеналык нормаларын аткаруу, кол жуу үчүн чөгөлөр,  жасалгалоо эстетикасы, балдарды тамак ичүү эрежелерин сактоого көндүрүү;
• Ашкана жабдууларынын абалы, керектүү идиш-аяктардын жетиштиги;
• Тамак-ашты уюштуруу боюнча документештирүүнү жүргүзүү (келгендиги тууралуу журналы, даяр азыктарды баалоо журналы, чийки азыктарды баалоо журналы, ден-соолук журналы, витаминдештирүү журналы);
• Бишкек шарынын МСЭКБ менен макулдашылган жана бекитилген менюдагы тамактардын ассортиментин сактоо.